calyphe

Calyphe, m. penac. Est nom de dignité et d'office. De tel nom estoient au premier et d'ancienneté appelez les seigneurs et dominateurs du grand Caire, qui fut jadis Babylon. En laquelle ville, qui est la capitale d'Egypte, y a encore une race et maison grandement noble, appelée les Calyphes, qui se dient estre de l'estoc et du sang des anciens seigneurs de ladite ville, et l'aisné de ladite race jouyt du privilege de couronner le Soldan dudit Caire, ou Babylon, de la couronne imperiale sur tous les peuples Mahumetans, aprez qu'il a esté sacré à prestre, selon leur religion.

Thresor de la langue françoyse. Jean Nicot.